வணக்கம்பா ,
இவளவு நாளா இன்னா பண்ணிகின்னு
இருந்தான்.இம்புட்டு படம் வந்திருக்கு , பாட்டு வந்திருக்கு இவன் இன்னான்னா
ஒண்ணுக்கும் விமர்சனம் எழுதலன்னு கடுப்பகியவர்கள் மன்னிக்கவும்.
“தாண்டவம்” பாடல் வந்து பல நாள் ஆகிவிட்ட காரணத்தால் எழுத முடியவில
்லை (எழுத வேண்டும் என்றால் கமண்டில் சொல்லுங்க).கடைசியா நான் பார்த்த நான்கு படங்களின் மொக்கை பட வரிசை இதோ :
நான் : விஜய் அன்டனி நடிகராக, தயாரிப்பாளராக புது அவதாரம் எடுத்திருக்கும்
திரைப்படம்! இருக்கிற மொக்க ஹீரோக்கள் தமிழ் சினிமாவுக்கு போதும் நீங்களும்
ஏன் வாரிங்கன்னு? கேக்க தோன்றிய படம்! உள்ளே போகும் போது போகனுமா? இல்ல!
எஸ்கேப் ஆகி ஓடி வந்திரு கைப்புள்ளன்னு உள்ளுக்குள்ள ஒரு குரல். சரி
எத்தினி மொக்கப்படம் பாத்திருப்பம் அதுல இதுவும் ஒண்ணா இருந்துட்டு
போகுதுன்னு உள்ள போனா!...............
சூப்பரப்பு இன்னா நடிப்பு இன்னா மியூசிக் இன்னா டையரக்ஷன்! படம் முழுவதும் திருப்பங்கள். எப்பிடி முடிக்க போகிறார்கள் என்று கடைசிவரை கணிக்க முடியவில்லை.”ஆள்மாறாட்டம்” அதுதான் கதை ஆனால் சொன்னவிதம், சொன்ன காரணங்கள் அருமை.கடைசியில் தொடரும் என்று முடித்திருப்பது சிறப்பு. விஜய் ஆண்டனியின் முகம் கதாபாத்திரத்துக்கு கனகட்சிதம். நல்ல படம் என்ற காரணத்தால் மொக்கை படவரிசையில் கடைசி இடமான நாலாவது இடத்தில்.மொத்தத்தில் “நான்” – வீண் இல்லை!
அட்டக்கத்தி – இது போன்ற கதைக்களம் தமிழ் சினிமாவுக்கு புதுசு ஆனால் நம்ம அன்றாட வாழ்கையில் பார்ப்பது தான். “திரிஷா போன திவ்யா ”என்று ஊரை சுற்று எங்களை போன்றவர்களை அப்பட்டமாக படம்பிடித்து காட்டியிருக்கிறார்கள்.”ஆடி போனா ஆவணி ” கானா பாடல் காதுகளுக்கு இனிமை! கதை என்று சொல்வதற்கு எதுக்கும் இல்லை ஒவ்வொரு இளைஞனும் தன்னை தானே திரையில் பார்க்கலாம். காதலில் தோத்தா முகத்த சொகமா வைச்சிருக்க்னுன்னு கஷ்டப்பட்டு சோகத்தை முகத்தில் காட்ட முயன்று முடியாமல் சிரிக்கும் காட்சி அருமை.இறுதியாக வரும் பஸ் காட்சி பலரது வாழ்கையில் நடந்திருக்கும்! நல்ல படம் அதனால் நமது மொக்கை படவரிசையில் மூன்றாம் இடம். மொத்தத்தில் “அட்டக்கத்தி”-இளைஞர்களின் நெஞ்சை குத்திவிட்டது!
மிரட்டல் –தல அஜித் படத்தின் டைட்டில் ! அந்த ஒரே காரணத்துக்காக போய் பல்பு வாங்கிய படம். ஒரே ஒரு கேள்வி “என்ன இளவுக்குடா தாதா தங்கச்சிய நம்ம ஹீரோக்கள் லவ் பண்ணுறத நிறுத்த மாட்டேங்குறாங்க” டம்மி வில்லன் , பாசமான தாதா பிரபு , ஆறடி லைட் போஸ்ட் ஹீரோ, அஞ்சடி ஆரஞ்சு பழ ஹீரோயின்! மனதுக்கு ஆறுதலுக்காக நம்ம சந்தானம்! இதை தவிர படத்தில் ஏதும் இல்லை. படம் பார்க்கும் போது சிரித்தாலும் படம் முடிந்த பிறகு மிஞ்சுவது ஏமாற்றம் தான் .
மன்சுரலிகாந்த்,பாண்டியராஜன்,சந்தானம் மட்டும் நகைச்சுவையால் தனியே தெரிகிறார்கள்.”ரேடியோ ரேடியோ ” பாடல் மட்டும் பிடித்திருந்தது. மற்றப்படி மிரட்டல்- மிரட்டுகிறது படம் பார்க்க போனவர்களை!
18 வயசு – “ரேணிகுண்டா” இயக்குனரின் அடுத்த படைப்பு! ஆனால் ரேணிகுண்டா படத்தின் கால் தூசுக்கு கூட நிகரில்லாத உலக மொக்கை படம். ஐயோ! அந்த கருமாந்திரம் பிடிச்ச படத்த நினைக்க கூட முடியல! ஹீரோக்கு மனவியாதி எந்த விலங்க பாத்தாலும் அது மாதிரி ஆகிருவாறு (மனதளவில் மட்டும்) என்ன சொத்த சொறி கதை! நண்பர்கள் பேச்சை கேக்காமல் ரேணிகுண்டா மோகத்தில் போய் அழுதுவிட்டு வந்த படம் . என்ன விமர்சனம் சொல்ல! காதலியின் தொல்லை தாங்கதவர்கள் இந்த படத்துக்கு கூட்டிட்டு போங்க! அடுத்த நாள் நாய் மாதிரி குலையுங்க! பிறகு பக்கத்தில கூட வரமாட்டாள். போங்கப்பா கெட்ட கெட்ட வார்த்தை தான். வாயில வருது! அதனால் நமது மொக்கை பட வரிசையில் முதல் இடத்தை தட்டி செல்கிறது! மொத்தத்தில் “18 வயசு” – படம் பாக்க போறவங்களுக்கு அல்பாயிசு!
மேலும் விமர்சனங்களுக்கு ,
